Ekainaren 14an Gipuzkoako Eskola Txikien jaia ospatuko da Berrobin. Urtero bezala Eskola Txikietako ume eta gurasoak primeran pasatzeko aukera ederra izango dugu Tolosaldeako herri txiki honetan. Egitaraua eta informazio osoa hemen duzue.

Animatu zaitezte parte hartzera!

No Comments »

Pasa den asteazkenean hitzalditxo bat izan genuen Ispasterren.
TTAKUN Elkartearen eskutik, hizlaria Iñaki Eizmendi eta Julio Ibarra hizlari gonbidatua. (Ispasterko Udalaren laguntzarekin).
Gaia: NO SABEMOS EUSKERA… ¿COMO PODEMOS AYUDAR A NUESTROS HIJOS?

Oso interesgarria izan zan, ikuspuntu guztietatik. Euskaldunon ardurak lasaitu eta erdaldunei berriz animatu egiten zitzaien dakiten euskera gutxi erabiltzeko.
Elebiduna (edo gehiago) izatea oso aberasgarria da. Badirudi gainera zenbat eta gehiago burua erabili (hizkuntz desberdinetan) osasungarria ere badela. Eta noski hizkuntza bat behar duzunean jakitea eta erabili ahal izatea ezin hobea da.
Gurasook normalean izaten ditugun hainbat galdera aztertu genituen.
Hitz gutxitan batzeko, esango nuke, umeek naturalki ikasten dituztela hizkuntzak eta naturalki hartu behar direla nahasketak. Erdera, batua edo gure herriko euskera, danak nahastuta erabiltzen badituzte ere, helduko da momentu bat bereizten jakingo dutena. Beti esan ohi dugu umeak esponja bezalakoak direla eta egiaztatu baino ez genuen egin.
Dakigun euskera gutxi beraiei erakustea oso ona da, batez ere gure izaera baikorra agirian jartzen dugulako. Noski, helduko dela momentu bat beraiek guk baino gehiago jakingo dutena, baina bitartean guk ere zerbait ikasiko dugu eta lehen esan dudan bezala gure baikortasuna erakutsiko diegu. Laburpen modura esan, denon artean euskarari bultzakada eman behar diogula.

1 Comment »

Ekainak 10, hurrengo domekan Zubietan ospatuko den festarako dena prest dago. Egitaraua eta informazio guztia sortu duten blogean daukazuela gogoratu nahi dizuegu. www.blogak.com/zubieta2007. Blog hau bizirik dago, denetariko informazioak ikus ditzakezue eta zalantzarik izanez gero harremanetan jartzeko aukera ere hortxe duzue.

1 Comment »

2007ko ekainaren 10ean ospatuko da Eskola Txikien Festa Zubieta herrian. Hori eta beste albisteak kontatzen duen blog berri bat prestatu dute, hauxe da helbidea: www.blogak.com/zubieta2007

No Comments »

Areatzako eskolako haurrak urriaren 29an gaztainak biltzen joan ginen gure herriko inguruko parajetara. Aurreko astean zehar eskolan bertan gaztanei buruzko testutxo bat landu genuen: Gaztainak gure arbasoen elikaduraz izan duen garrantzia nabarmenduz eta zelan bildu eta gordetzen ziren aipatzen ere. Halaber; astelehenean urriaren 29a, arrastiko zazpietatik aurrera udaletxeko arkupetan gaztainak erre eta Areatzako aitite-amamak ixtorioak kontatzen zizkiguten bitartean jan genituen.

No Comments »

Berri onak etorri zaizkigu Gatika eta Lemoiztik. Denbora luzez aurrera eta atzera ibili eta gero, irailan Lehen Hezkuntzako Lehen Zikloa martxan izango dute eskola bi hauetan. Pena, lehenago ez lortzeagatik hainbat ume eskola hauetatik alde egin behar izana.
Eskola hauek erakusten dute Bizkaian ere Eskola Txikiak bizirik daudela eta urteetan izan den gainbeherari buelta ematen ari zaiola.
Eskola txikiak bizirik, herri txikiak bizirik!

No Comments »

‘Elkarrekin lanean’ lelopean Ekainaren 6an Eskola Txikien II Topaketak izan genituen Durangon. Bertan eskola txikietan ari garen 100 bat irakasle eta guraso elkartu ginen gure eskoletan egiten diren lanen berri eman eta partaide desberdinen arteko komunikazioa bultzatzeko. Gipuzkoarrak nagusi izan baziren ere, pozgarria izan zen Bizkaiko 11 eskola ordezkatuak izatea, Amoroto, Areatza, Arrankudiaga, Aulesti, Bakio, Ispaster, Lemoiz, Munitibar, Muxika, Otxandio eta Zeberio, hain zuzen.
Topaketek bi lan saio izan zituzten. Lehenengoan, Kataluniako Sant Pere de Vilamajor herriko eskolako irakasleek beraien ‘hormarik gabeko’ eskolaren berezitasunen berri eman ziguten. Atseden laburraren ostean hiru tailerretan banatu ginen: ‘Matematika egiteko adina bost’, ‘Txikipress eskolen arteko’ eta ‘Elkarlana: gurasoak, irakasleak, udala’. Bukaeran makina bat barre egiteko aukera izan genuen ‘sorpresari’ esker. Topaketen zehaztasun eta ondorioak prestatzen ari gara ikasturtea hasi eta gero eskola guztietara bidali ahal izateko.
Topaketetan parte hartu genuenok pozik irten ginen, jendearen partehartzea handia izan zen eta helburuak bete egin ziren. Koordinadoraren aldetik Topaketen oso balorazio positiboa egiten dugu eta horrelako ekitaldiak garrantzi handikoak direla uste dugu. Ea hurrengoan eskola gehiagok parte hartzen duen.

No Comments »