Igande honetan izango dugu aukera ezin hobea gure artean ezagutu eta harremanak finkatzeko. eta noski, ondo pasatzeko!. Berrobin dena prest dago eta egitaraua hurrengoa da:

 EGITARAUA BERROBI 2009
10:30- Ongi etorria eta festaren hasiera.
11:00- 13:00 Jokoak eta karaokea.
13:30- 14:00 Lekuko aldaketa(Berrobi-Altzo).
14:00- Bazkaria(frontoian).
16:30- 18:00 Pirritx eta Porrotxen emanaldia.
17:15- 18:00  Motozerraz egindako taila.
18:00- 19:00 Festari amaiera emateko herriko gazteen trikitixa erromeria.

Bestelakoak: Goizeko 11etatik aurrera goiz eta arratsaldez.

- Puzgarriak.
- Erakusketa  digitala Eskolan
- Zaldi paseoak Errota eta Lapatza bitartean
- Tailako tailer erakusketa
- Tailerrak…

No Comments »

Ekainaren 14an Gipuzkoako Eskola Txikien jaia ospatuko da Berrobin. Urtero bezala Eskola Txikietako ume eta gurasoak primeran pasatzeko aukera ederra izango dugu Tolosaldeako herri txiki honetan. Egitaraua eta informazio osoa hemen duzue.

Animatu zaitezte parte hartzera!

No Comments »

2008ko ekainaren 25ean Durangon izandako topaketak liburuxka batean jaso dira. Horietan hitzaldiak eta  tailerren datuak, argazkiak eta jardunaldien balorazioa ikusi ahal ditugu.

Bizkaiari dagokionez informazio hau aurkitu ahal dugu:

• Gurasoen tailerra.
• Gautegiz-Arteagako “Montorre” eta Muxikako “Urretxindorra” eskoletako Inguruko hegaztiak proiektua.
• Portfolio europarra: Lemoizko eskola (hizkuntzen pasaportea)
• Bihurrikerien liburua, Arrankudiaga eskolan
• Bizkaiko hiru eskola txikien proiektua: Arrankudiaga, Areatza eta Zeberioko eskolak

liburuxka eskuratu

No Comments »

Urtero bezala matrikulazio garaia iritsi denez, Lemoizko eskolan jaitxo bat ospatuko dugu larunbatean, otsailaren 7an. Jaiaren helburua familia berriak eskola eta bertako errealitatera gerturatzea da. Arratsaldeko 5etan hasiko gara Kiska taldearen ‘Bolaluma’ antzezlanarekin, ondoren txokolate lapikoaren inguruan elkartu eta eskola ezagutzeko aukera izango dugularik.

No Comments »

Aspalditik geneukan kartel bat egiteko asmoa, baina oso eskola gutxi garenez kartel gutxi ateratzeko diru asko gastatuko genukeela uste genuen.

Horregatik kartel horri balio bat ematea pentsatu genuen, erabiltzeko kartel bat izan behar zuen. Eta erabiltzeko kartel bat, idazteko kartel bat izan daiteke. Hau dela eta koaderno antzeko kartel bat atera dugu, eskolan jarri behar dituzuen oharrak idazteko. Jai baten programazioa, adibidez, ekintza bat ezagutarazteko, eta abar.

Eskola bakoitzari ale batzuk bidaliko dizkizuegu, behar duzuenean erabiltzeko. Bai IGEk bai zuzendaritza taldeak edo irakasleek erabili ahal izango duzue. Kartel erabilgarria izatea espero dugu. 

Laster informazio gehiago

No Comments »

Eskola Txikien III Topaketak datorren asteazkenean, ekainaren 25ean, izango dira Durangon. Eskola Txikietako irakasle eta gurasoekin bat egin eta esperientzia desberdinak ezagutzeko aukera ederra dugu. Parte hartzeko Matrikula inprimakia bete eta bertan azaltzen den moduan bidali. Epea ekainaren 20an bukatzen da.
Animatu!

No Comments »

Ekainaren 25ean Durangoko institutuan egingo dira aurtengo topaketak. Egun osoan zehar hitzaldiak eta tailerrak izango dira. Modu didaktiko eta entretenigarrian prestatuta dagoen egitarauan gurasoen intereseko batzuk daudela uste dugu, eta hara joateko animatzen zaituztegu. Beheko irudian egitaraua ikusi ahal duzue.

Egitaraua handiagoa ikusteko eta inprimatzeko: egitaraua.doc

No Comments »

Egindako zonaldeko bileretan zalantza batzuk atera ziren, horien artean aseguruei buruzkoak. Hori dela eta BIGEren webgunean dauden dokumentuentzako esteka luzatzen dizkizuet informazio guztia eskura ahal izan dezazuen. Gogoratu BIGEren barnean egoteagatik IGEak ardura zibileko asegurua daukala, hau da “a terceros” delakoa.

Eta beste aldetik ikasle bakoitzak (ikastetxe batzuetan guztiek) kontratatzen duena aseguru medikoa dela. Informazio gehiago:

• euskaraz
• gaztelaniaz

Eta zalantzarik izanez gero edo kasu partikularrak komentatzeko BIGErekin harremanetan jarri ahal zarete.

No Comments »

Aurten Eskola Txikien Festa ekainaren 8an izango da Gipuzkoako herri txiki batean, Zerainen. Dena prest dago egun polita eta dibertigarria pasatzeko, argitaratutako blogean dagoen egitarauan ikusi ahal dugun moduan haurrentzako jolasak eta musika izango da. Kanta bat ere badago prest eta jada ezagutzen dituzuen kamisetak. Gainera izugarrizko bazkari ona antolatu dute. Hori dena Festaren blogean dago jarrita.

Hantxe ikusiko garelakoan,

No Comments »